طالبان هیأتی ایران گه سفری دایره‌سیده قطر امیری و اسماعیل هنیه بیلن اوچره‌شدی
۸صبح، کابل: طالبان تشقی ایشلر وزیرلیگی گه کوره، بو گروه هیأتی ایران گه سفری دایره‌سیده قطر امیری شیخ تمیم بن حمد آل‌ثانی و حماس نینگ سیاسی اداره باشلیغی اسماعیل هنیه بیلن اوچره‌شگن.
طالبان تشقی ایشلر وزیرلیگی سۉزلاوچیسی اۉرین باسری ضیااحمد تکل، ۳ جوزا، پنج‌شنبه کونی ایکس صحیفه‌سیده پیام و ویدیو ترقه‌تیب بو اوچره‌شوولر اۉتگن کون بولیب اۉتگنینی معلوم قیلگن.
اولر اۉرته‌سیده مذاکره‌لر حقیده هېچ نرسه دیمه‌گن، ضیااحمد تکل.
ایتیش کېره‌ک که طالبان باش وزیری نینگ اقتصادی اۉرین باسری عبدالغنی برادر و تشقی ایشلر وزیرلیگی سرپرستی امیرخان متقی تیک‌اوچر قولشی باعث هلاک بولگن سیدابراهیم رییسی همراه‌لری نینگ جنازه مراسمیده اشتراک اېتیش مقصدیده اۉتگن کون تهران گه سفر قیلگنلر.
معلومات‌لر اساسیده، طالبان نینگ بو ایکّی علمداری تهران گه یېتیب بارگنیدن سۉنگ ابراهیم رییسی و حسین امیرعبداللهیان نینگ جسدی گه حرمت بجا کېلتیرگنلر.
